شهيوات المستمعات

لمستمعات مجموعة من الشهيوات الصيفية و هذه البعض منها : 

* عائشة من البيضاء : القضبان ديال الدجاج // نصف كيلو من صدر الدجاج ، ملح ، ابزار ، تحميرة ، عصير حامضة ، معلقة الموطارد ، 2معالق زيت العود ، معلقة من القزبر اليابس ، معلقة من اليازير و الزعيترة و 2 ضروس ثومة و للتزيين فلفلة حمراء و صفراء و مطيشة و بصلة مقطعين ، ترقديهم ليلة كاملة ثم تزلكي القطبان و تشويهم بالصحة و الراحة . - الروز بالقمرون : بصلة بيضة مشلظة مع الثومة و الملح و الابزار و تقليها ثم تزيدي ليها زلافة خيزو مربعات و الجلبانة ، الروز تغسليه 6 المرات بالماء البارد ثم زلافة الروز تديري ليها 2 زلافات من الماء ز حتى يقرب يطيب تضيفي ليه القمرون و تديري ليه طريفات الزبدة على الوجه . - فلان بالباربة : 4 الباربات مسلوقين وتطحنيهم مع نصف لتر حليب و السكر ثم تصفيه ثم تضيفيه و تضيفي للحليب 4 فلان بنكهة الفاني و يطحن مع 2 بنانات حتى يعقد فوق نار مهيلة مع 3 فلان ثم تسكبي في كؤوس على شكل طبقات ثم تدخليهم يبردو 6 الساعات في الثلاجة ثم تقدميهم في الكؤوس أو تقلبيهم في أطباق . * فاطمة الزهراء من تمارة : ياغورت بالشكلاط // نصف لتر حليب ، 2 معالق مايزينا ، 1 معلقة كبيرة من السكر و طرف مزيان من الشكلاط ومعلقة من كاكاو و تخلطي مزيان فوق نار مهيلة ثم تسكبيه في كؤوس . - عصير الحامض : 200 غرام سكر ، نصف لتر ماء ، عصير 3 الحامضات و قشرة 2 حامضات و نطحنو الكل . - كيكة باللوز : 6 البيضات ، 600 غرام من اللوز مطحون ، 200 غرام سنيدة ، 200 غرام زبدة ، 140 غرام من الطحين و أكياس فانيلا ، 4 أكياس خمارات و السكر كلاصي للتزيين . تطربي البيض مع المقادير تدريجا ثم تسكبيها في مول الفرن و تدخليها للفرن ثم تقطعيها مربعات و تزيني بالسكر جلاصي و ممكن أيضا وضعها في كويغطات . *خديجة من مراكش : أفكار السندويش// خيزو محكوك و الخيار كذلك محكوك بالطول ، مطيشة مقطعة شرائح و الكاشير محكو بالطول و المايونيز ، تحيدي اللبابة من الخبز ثم تدهني بالمايونيز ثم الكاشير و تفرشي الخيزو ثم الخيار ثم مطيشة و ممكن اضافة البطاطا مسلوقة و محكوكة بالطول . * مريم من وجدة : طارط بالفلان // بشكيطو مربع أو مدور تستفيه في مول مريع و تديري الكريم باتيسيير و تنسميها بقهوة سريعة الذوبان و تخويها و هي سخونة على البشكيطو ثم تديريه يبرد في الثلاجة ثم تطلعي الفلان بنكهة الشكلاط و تزيديه في المول و تخليه يبرد . - حلوى ساهلة : 125 غرام من الزبدة ، نصف مغرف من الزيت ، نصف مغرف سكر ، خمارة حمراء ، 2 فانيلا و نصف كيلو دقيق و 3 البيضات ، تطربي الزبدة تكون لينة مع البيض و السكر و المقومات الأخرى ثم تجمعيها و تكوريها و تديريها تطيب في الفرن كتطيب بسرعة ، توجدي الكوك محكوك و تغطسي الكويرات في المربى ثم في الكوك و تقدميها . *أم حمزة من بني ملال : الكاشير // 1 كأس روز مسلوق ، نصف كيلو من السميدة ، 1 كأس زيت ، ضرس من الثومة و رابعة من اللحم أو الدجاج ، ضامة لبقري ، ملح ، الهريسة ، 4 البيضات ، قزبر حبوب مطحون ، تطحني الكل و تديريهم في مول خاص بالكاشير ثم تطيبيه في الكسكاس لمدة ساعة . - مثلجات بالفواكه : نصف كيلو من الفواكه مخلطة : خوخ ، مشمش ، بنان ، فريز ....، تطحنيهم مع 100 غرام من السكر و حامضة معصرة و تطربي 2 أبيض البيض حنى تطلع مزيان ثم تطربي القشدة الطرية وتخلطي الكل ثم توضعيهم في المجمد لمدة ساعة و نصف و تطربيهم و ترجعيهم للمجمد مدة ساعة و نصف و تعيدي العملية 4 مرات و هكذا تحصلي على مثلجات بالفواكه .